Cofnodion cryno - Y Pwyllgor Deisebau

Lleoliad:

Ystafell Bwyllgora 1 - y Senedd

Dyddiad: Dydd Mawrth, 27 Medi 2016

Amser: 09.01 - 10.20
Gellir gwylio’r cyfarfod ar Senedd TV yn:
http://senedd.tv/cy/3726

Yn bresennol

Categori	Enwau
Aelodau’r Cynulliad:	Mike Hedges AC (Cadeirydd) Gareth Bennett AC Suzy Davies AC Neil McEvoy AC
Tystion:	Rebecca Evans AC, Gweinidog Iechyd y Cyhoedd a Gwasanaethau Cymdeithasol Dr Rosemary Fox, Llywodraeth Cymru Irfon Rees, Llywodraeth Cymru
Staff y Pwyllgor:	Graeme Francis (Clerc) Kath Thomas (Dirprwy Glerc) Jessica England (Dirprwy Glerc) Katie Wyatt (Cynghorydd Cyfreithiol)

<AI1>

Trawsgrifiad

Gweld trawsgrifiad o drafodion y cyfarfod (PDF 556KB) Gweld fel HTML (144KB)

</AI1>

<AI2>

1 Cyflwyniad, ymddiheuriadau, dirprwyon a datganiadau o fuddiant

Croesawodd y Cadeirydd bawb i’r cyfarfod.

Roedd Suzy Davies yn bresennol lle Janet Finch-Saunders.

</AI2>

<AI3>

2 Deisebau newydd

</AI3>

<AI4>

2.1 P-05-705    Annog Pwyllgorau Cynllunio i Sicrhau bod Penderfyniadau ar Faterion Cynllunio yn Rhoi sylw Dyledus i’r Effaith ar Grwpiau Ymunedol a Sefydliadau Gwirfoddol neu i’r Posibilrwydd y Bydd y Grwpiau a’r Sefydliadau hyn yn Cau

Trafododd y Pwyllgor y ddeiseb am y tro cyntaf a chytunwyd i ysgrifennu’n ôl at Ysgrifennydd y Cabinet dros yr Amgylchedd a Materion Gwledig i ofyn am eglurhad ynglŷn â sut mae'r gofyniad ym Mholisi Cynllunio Cymru (Rhifyn 8 Ionawr 2016) yn gweithio’n ymarferol a’r dylanwad y mae’n ei gael, sef bod rhaid i'r awdurdod cynllunio lleol ystyried sylwedd sylwadau lleol, gan gynnwys unrhyw sylwadau a wnaed gan grwpiau cymunedol lleol.

</AI4>

<AI5>

2.2 P-05-715 A Gwahardd Cynhyrchu, Gwerthu a Defnyddio Maglau yng Nghymru

Trafododd y Pwyllgor y ddeiseb am y tro cyntaf a chytunwyd i anfon yr ohebiaeth a gafwyd hyd yn hyn at Ysgrifennydd y Cabinet dros yr Amgylchedd a Materion Gwledig a gofyn am gael ein hysbysu am ganlyniadau'r trafodaethau sy’n cael eu hwyluso gan Lywodraeth Cymru cyn penderfynu a ddylid gweithredu ymhellach yn ddiweddarach.

</AI5>

<AI6>

2.3 P-05- 696 Y Trên Rhithiol

Trafododd y Pwyllgor y ddeiseb am y tro cyntaf a chytunwyd i ysgrifennu at y deisebwyr yn eu llongyfarch ar ganlyniad llwyddiannus eu hymgyrch ac i gau’r ddeiseb.

</AI6>

<AI7>

2.4 P-05-692 Adeiladu Cofeb Mamieithoedd Rhyngwladol ym Mae Caerdydd

Trafododd y Pwyllgor y ddeiseb am y tro cyntaf a chytunwyd i aros am farn y deisebydd cyn penderfynu ar y ffordd orau i weithredu ar y ddeiseb.

</AI7>

<AI8>

3 Y wybodaeth ddiweddaraf am ddeisebau blaenorol

</AI8>

<AI9>

3.1 P-04-399 Arferion lladd anifeiliaid

Gweler y cam gweithredu y cytunwyd arno o dan eitem 3.2 ar yr agenda.

</AI9>

<AI10>

3.2 P-04-433 Teledu Cylch Cyfyng mewn Lladd-dai

Trafododd y Pwyllgor y ddeiseb hon ynghyd â P-04-399 Arferion Lladd Anifeiliaid, a chytunwyd i ysgrifennu at Ysgrifennydd y Cabinet dros yr Amgylchedd a Materion Gwledig i ofyn am gael ein hysbysu am ganfyddiadau adroddiad y grŵp diwydiant cyn ystyried y camau gweithredu nesaf gyda’r ddwy ddeiseb.

</AI10>

<AI11>

3.3 P-04-648 Ceisiadau Cynllunio Nwy ac Olew Anghonfensiynol.

Trafododd y Pwyllgor ohebiaeth oddi wrth Ysgrifennydd y Cabinet dros yr Amgylchedd a Materion Gwledig y Pwyllgor a chytunwyd i aros am farn y deisebydd cyn penderfynu ar y ffordd orau i weithredu ar y ddeiseb.

</AI11>

<AI12>

3.4 P-04-594 Apêl Cyngor Cymuned Cilmeri ynghylch y Gofeb i’r Tywysog Llywelyn

Trafododd y Pwyllgor ohebiaeth ynghylch y ddeiseb a chytunwyd i anfon sylwadau'r deisebwyr at Ysgrifennydd y Cabinet dros yr Economi a’r Seilwaith a gofyn iddo roi’r wybodaeth ddiweddaraf i'r Pwyllgor pan fydd penderfyniad wedi’i wneud ar y cynigion ar gyfer yr arwyddion newydd.

</AI12>

<AI13>

3.5 P-04-663 Bwyd yn Ysbytai Cymru

Trafododd y Pwyllgor ohebiaeth gan Archwilydd Cyffredinol Cymru a chytunwyd i ofyn i'r Pwyllgor Cyfrifon Cyhoeddus ystyried y ddeiseb fel rhan o'i ymchwiliad arfaethedig i arlwyo mewn ysbytai a maeth cleifion ac adrodd yn ôl i’r Pwyllgor ar ei ganfyddiadau ac unrhyw argymhellion maes o law.

</AI13>

<AI14>

4 P-04-668 Cefnogi Sgrinio Blynyddol ar gyfer Canser yr Ofari (CA125)

Atebodd y Gweinidog gwestiynau gan y Pwyllgor.

Cytunodd y Gweinidog i ysgrifennu at y Pwyllgor gyda:

· rhagor o wybodaeth am ganran y canlyniadau cadarnhaol ffug a ddychwelwyd gan y prawf gwaed CA125;

· cost yr ymgyrch codi ymwybyddiaeth o ganser yr ofari a drefnwyd gan Felindre ym mis Mawrth 2016: a

· rhagor o wybodaeth am y gost o weinyddu prawf CA125 unigol.

</AI14>

<AI15>

5 Cynnig o dan Reol Sefydlog 17.42 i benderfynu gwahardd y cyhoedd o'r cyfarfod ar gyfer y busnes a ganlyn:

</AI15>

<AI16>

6 Trafod tystiolaeth lafar o dan eitem 4 ar yr agenda.

Trafododd y Pwyllgor y dystiolaeth yr oedd wedi’i chlywed gan y Gweinidog a chan y deisebydd yn y cyfarfod blaenorol, a chytunwyd i ysgrifennu at nifer o elusennau canser i ofyn am eu barn ar y materion a godwyd gan y ddeiseb cyn ystyried y camau nesaf.

Cytunodd y Pwyllgor hefyd i ysgrifennu at y Gweinidog i ofyn am ragor o fanylion am yr amserlen ar gyfer cwblhau adolygiad y meddygon teulu o’r achosion o ganser yr ofari y bu diagnosis ohonynt yn ystod 2015.

</AI16>

<TRAILER_SECTION>

</TRAILER_SECTION>

<LAYOUT_SECTION>

1.FIELD_TITLE

FIELD_SUMMARY

</LAYOUT_SECTION>

<TITLE_ONLY_LAYOUT_SECTION>

2.FIELD_TITLE

</TITLE_ONLY_LAYOUT_SECTION>

<HEADING_LAYOUT_SECTION>

FIELD_TITLE

</HEADING_LAYOUT_SECTION>

<TITLED_COMMENT_LAYOUT_SECTION>

FIELD_TITLE

FIELD_SUMMARY

</TITLED_COMMENT_LAYOUT_SECTION>

<COMMENT_LAYOUT_SECTION>

FIELD_SUMMARY

</COMMENT_LAYOUT_SECTION>

<SUBNUMBER_LAYOUT_SECTION>

2.1FIELD_TITLE

FIELD_SUMMARY

</SUBNUMBER_LAYOUT_SECTION>

<TITLE_ONLY_SUBNUMBER_LAYOUT_SECTION>

2.2FIELD_TITLE

</TITLE_ONLY_SUBNUMBER_LAYOUT_SECTION>